“JUBO MOHAA MEL” অর এলা রেডি ইতে যারগা । আজিকা এলা রেকর্ডিং অইল । আহাবি পৌরুর দিকে মহামেলর এলা মুক্তি পেইতই ।
এলা হানি হংকরেসেগো বারো শুরকারগো অইলতাই [অশ্বিনী কুমার সিংহ] বারো এলাহানি দেসেতাই “সুনীতি সিনহা” ই ।
এলা হানির lyrics হানি এপাগা চেইক ঃ
পইলাকার এলাহার কলি ঃ
আহো হাবি পালে পালে ,
বিষ্ণুপ্রিয়া ইমার ফিরাল তলে ,
রহেই মইপঙ বাজেই শেম্বং ,
নাচেই ঢাকর তালে তালে ,
এরে যুব মহামেলে (হাবিয়া) ...

নুয়া মিঙালে ঙালকরিক ইমারে ,
নুয়া দিনর দেহিক হপন ,
নুয়া করিয়া হাজিক জীবনহান ,
ইঙাল ঙালক হাবির মন ,
নুয়া খেন্তামে হারৌপার ইথাক ,
বাহক হাবির মনে মনে ,
এরে যুব মহামেলে (হাবিয়ে) ...

নুয়া করিয়া শেঙকরিক নিজরে ,
নুয়া রঙে রাঙিক মন ,
নুয়া বানালো হাজিক হৃদিগো ,
নাথায়া কাটার বন ,
নুয়া মাতামে মলয়ার বৌহান ,
লাগক কোনা কুনচেলে ,
এরে যুব মহামেলে (হাবিয়ে) ....

দ্বিতীয় এলাহান ঃ

একতা শান্তি অগ্রগতি ,
এহানিরে করিয়া মূলনীতি ,
নিজর মিঙালে ঙালইক বুলিয়া ...
পুলসি আমি হাবি ,
বাংলাদেশ মণিপুরী যুব কল্যাণ সমিতি ....


দুনিয়ার মানু হাবি হজাক অসি ,
আমি কিয়া এবাকাও ঘুমে আসি ,
গায়িত পাঙলাক নেয়া না বুদ্ধি নেয়া ...
থায়তাঙাই পরিয়া আপাঙ অয়া ,
(আজি) সালই মুঙেদে ফিরাল আতে ,
সমাজেতো মাঙকরিক দূর্নীতি ,
বাংলাদেশ মণিপুরী যুব কল্যাণ সমিতি ....


দলা দলি কৌলি গালিত বুরদিয়া আসি ,
এতা করিয়া কুঙগই গজে কাসি ...
(আজি) মনর অকচাক হাবি হুরেয়া ,
ইমারে ঙালকরিক হাবিয়ে তিলয়া ,
(আজি) ওয়াশাক করিক এরে দিনে ,
ইমার নিঙে লাগিক সেন্দাবর্তী ....
বাংলাদেশ মণিপুরী যুব কল্যাণ সমিতি ....

তৃতীয় এলাহান ঃ

সালৈক সালৈক সালৈক আজি বিষ্ণুপ্রিয়ার শৌ ,
বজ্রর সাদে হুঙকারিয়া তুলিক ইমার লৌ ,
আজি নুয়া জীবনর নুয়া ঙালে ,
আহো হাবি পালে পালে ,
দেশে দেশে গাঙে গাঙে
, বাগেইক আমার পৌ ...

সূর্য বীর্যে নংপাং অসি ,
আমার এরে জাত ,
অস্ত্র লগে সিংনা খেলার ,
ইস্পাত পারা আত ...
(আজি) কাটার পথহান শেঙকরিয়া ,
য়েকনাপারে তেঙকরিয়া ,
মিঙালর পথে কাকেই কারিক ,
আহিল নুয়া ঢেউ ...
ক্ষত্রিয় আমি অর্জুন প্রভুর ,
আসল বংশধর ,
শাতকরতাঙায় হিলর হাদিত ,
রাঙিয়া আতর ,
(আজি) দলাদলি যত কৌলি বেলেয়া ,
উঠেই হাবি আহি মেলেয়া ,
ইমার নাঙর পালহান তাঙিয়া ,
বাহিক হুনার নো ...।।

চতুর্থ বারো লমইলকার এলাহান ঃ
ঙালকরিক ইমার মেইথঙহান ,
পালকরিক আমার সমাজহান ,
পুরিজেলেই গাওরাপুয়েই ,
আহো আজি হাবিহান ...

থাচীর আধার ফেরে ফেরে ,
আনিক বেলিয়া মিঙাল ,
পরাধিনতার জিণ্জুর পিদিয়া ,
থাইতাঙায় কত কাল ...
আমি আলনাইবাং আমি না হারবাঙ ,
যতদিন থাইতই আমার আতে ,
ইমার ফিরালহান ...

শিক্ষায় দিক্ষায় জাতে সাতে ,
কম নাসি কামে দুমে ,
অতাউ আমি থাইতাঙায় কিয়া ,
আজিকাও নিঘুর ঘুমে ,
আমি আহি মেললাঙ আমি বিশ্ব দেখলাঙ ,
মানুর লগে মাননা ইকগা ,
হংকরিক নিজর লাম ...।।
“যুব মহামেল” অর বার্তন বারো হাবি ইয়ৌওদেনা । হাবিরে থাকাৎ ...
তারিখ - ১০.১১.২০১৩